Home » Entries posted by Abdirashid Mohamud "SHarDinHO"

Stories written by Abdirashid Mohamud "SHarDinHO"

Sanchez → City, Dembele → Barca, Suarez → Spurs & Wararkii Ugu Dambeeyay Suuqa Kala Iibsiga Ciyaartoyda Maanta Oo Khamiis Ah.

Maalin wanaagsan akhristayaasha sarafta lehow meel kasta oo aad aduunka ka joogtaan, kuna soo dhawaada barnaaamijkeenii maalin laha ah ee aanu sida joogtada ah idiinku soo gudbino waxyaabaha ay wargaysyadu ka qoraan suuqa kala iibsiga ciyaartoyda.

Suuqa kala iibsiga ciyaartoyda ayaa si rasmi ah u furmay July 1, waxayna kooxuhu si wayn ugu hawlan yihiin in ay la soo saxiixdaan ciyaartoyda ay u arkaan in ay horumarin ku samayn karaan safafka kooxahooda ka hor inta aanu bolaamin xili ciyaareedka cusubi waxaana haddaba jira xidigo badan oo kooxaha Premier Leaque-gu dagaal ugu jiraan in ay la soo waregaan.


Tottenham ayaan wax rajo ah ka qabin iney dhageysato dalabka ay isku diyaarineyso iney Chelsea kasoo gudbiso Danny Rose oo 27-jir ah. (Evening Standard).

Manchester United ayaan si weyn xiiso ugu qabin daafaca bidix ee Spurs Danny Rose inkastoo xidiga reer England uu doorbidayo ku biiritaanka Old Trafford. (Daily Star).

Gudoomiyaha Tottenham Daniel Levy ayaa shaaca ka qaaday in 21-jirka reer England Dele Alli aysan ku iibin karin 150 Malyan oo Pound iyadoo Barcelona & Manchester City ay xiiseynayaan. (The Sun).

Chelsea ayaan wali ka rajo dhigin helitaanka daafaca bidix ee Juventus Alex Sandro kaas oo 26-jir ah, balse waxey isku haleynayaan oo kaliya in xidiga uu kooxdiisa ka codsado in la iibiyo. (Evening Standard)

Blues ayaa sameysay isku daygii ugu weynaa markii ay 73 Malyan oo Pound dalab ah ka gudbiyeen balse Juventus ayaa iska diiday. (Calciomercato).

Barcelona ayaa laga yaabaa iney dalab 118 Malyan oo Pound ah u gudbiso Liverpool – si ay uga hesho 25-jirka reer Brazil Philippe Coutinho. (Goal.com)

Barcelona ayaa talaabo hormar leh u qaaday saxiixa 20-jirka Ousmane Dembele oo ka tirsan Borrusia Dortmund – waxaana la sawiray xidigaan oo boorsadiisa xirxiranaya. (Express)

Manchester City ayaa dalab dhan 60 Malyan oo Pound ka gudbineysa weeraryahanka Arsenal Alexis Sanchez xilli Real ay xiiseyneyso xidigaan. (Don Balon).

Arsenal ayaa soo diiday kal hore dalab 45 Malyan oo Pound ah oo ay City kasoo gudbisay Sanchez sida uu ka dhawaajiyay wakiilkiisa Fernando Felicevich. (El Mercurio).

Manchester United ayaa diyaar u ah iney hal sano oo heshiis ah ka dalbato Zlatan Ibrahimovic – sidoo kale heshiiska waxaa lagu lifaaqi doonaa inuu door tababaranimo ka qabto kooxda kadib waqtigiisa garoomada. (Independent).

Napoli ayaa iskad iiday dalab 55 Malyan oo Pound ah oo ay Barcelona ka gudbisay 26-jirka reer talyaani Lorenzo Insigne. (Gazzetta dello Sport).

Tottenham Hotspur ayaa dooneysa iney 27 Malyan oo Pound dalab ah u gudbiso Denis Suarez oo Barcelona ka tirsan sidoo kalana Napoli ayaa dooneysa. (Mundo Deportivo)

Aragtidaada Ku Dhiibo Facebook

comments

Let’s block ads! (Why?)

Wargeyska O Jogo Oo Faah-Faahiyay Dalabka Cusub Ee Ay Barcelona Ka Gudbineyso Coutinho, Heshiiska Loo Soo Bandhigayo & Waqtiga Lasoo Afjari Karo.

Barcelona ayaa sare u qaadeysa dalabka ay ku dooneyso kubad sameeyaha Liverpool & qaranka Brazil Philippe Coutinho sida ay sheegayaan warbixino ka imaanaya dalka Portugal iyadoo isha ku heysa inuu badal guuleysta u noqdo Neymar Junior.

Tababare Ernesto Valverde ayaa si weyn u doonaya inuu xidigaan heerka caalami keeno garoonka Camp Nou – inkastoo xaaladiisa ay wali tahay mid ka culus dhanka kooxda Reds.

Barcelona waxey jeebka ku heysataa in ku dhaw 200 Malyan oo Pound madama ay 40 Malyan kusoo iibsadeen Paulinho oo maanta lasoo bandhigi doono, balse wali kama quusan helitaanka 25-jirka reer Brazil.

Si kastaba waregyska dalka Portugal laga leeyahay ee O Jogo ayaa qiraya in Barcelona ay mar kale ku laaban doonto Liverpool iyadoo miiska u saari doonta 130 Malyan oo Euro oo u dhiganta 118 Malyan oo Pound.

Waxaa lasoo jeedinayaa in Barcelona ay xidigaan usoo bandhigeyso heshiis shan sanadood ah lagana yaabo in isbuucaan hawshiisa lasoo afjaro.

Dhanka kale Liverpool ayaan wax dareen ah u heynin iney iibiso Philippe Coutinho kaas oo bishii January ee sanadkaan heshiis shan sano ah u saxiixay kooxdiisa.

Ugu dambeyntiina warar aan la hubin ayaa sheegaya in Philippe Coutinho u si cad ugu sheegay tababare Jurgen Klopp inuu doonayo ka tagista kooxda.

Aragtidaada Ku Dhiibo Facebook

comments

Let’s block ads! (Why?)

Tababare Arsene Wenger Oo Si Maldahan Uga Dhawaajiyay In Alexis Sanchez Ay Macquul Tahay Inuu Ku Biiro Manchester City.

Tababare Arsene Wenger ayaa shaaca ka qaaday inuusan marnaba badali doonin mowqifkiisa ku aadan mustaqbalka Alexis Sanchez – balse wuxuu meesha ka saaray inuusan ka hor istaagi karin maamulka hadii ay damcaan iney iibiyaan.

Weeraryahanka qaranka Chile ayaan ku faraxsaneen nolosha Emirates Stadium kaliya 12-bilood ayaana kaga haray qandaraaskiisa kooxda, wuxuuna xiiso ka helayaa Manchester City & Paris Saint Geramin.

Si kastaba Wenger wuxuu banaanka soo dhigay go’aankiisa ku aadan mustaqbalka Alexis Sanchez, inkastoo uusan laheyn go’aan weyn oo uu kaga hor joogsan karo xidigaan in laga iibiyo Manchester City.

“Waa go’aankeyga, balse maamulka waa iney igu raacaan dabcan” ayuu yiri Wenger. “Hadii aysan igu raacin – waan aqbali doonaa” ayuu mar kale yiri Wenger kaas oo si daban u xaqiijinaya in Alexis uu kusii dhawaanayo ku biiritaanka Citizens.

Si kastaba xaaladaan waa sheeko la xiriirta dhanka dhaqaalaha – maamulka kooxda ayaana qiimeyn doona awoodooda dhaqaalaha iyagoo qaadi doona talaabo muhiim ah.

Pep Guardiola ayaa diyaar u ah inuu xidigaan ku bixiyo aduun dhan 60 Malyan oo Pound – xilli uu in ka badan 200 Malyan oo Pound ku bixiyay inuu lasoo saxiixdo sadex daafac iyo hal goolhaye.

Aragtidaada Ku Dhiibo Facebook

comments

Let’s block ads! (Why?)

Lionel Messi Oo Aflagaadeeyay Kabtanka Real Madrid Sergio Ramos & Hadaladii Uu Adeegsaday Oo La Ogaaday.

Kabtankii Barcelona ee xalay Lionel Messi ayaa aflagaadeeyay kabtanka Real Madrid Sergio Ramos intii lagu jiray kulankii ay labada kooxood ku yeesheen garoonka Santiago Bernabeu – lugtii labaad ee final-ka Supercopa de Espana.

Los Blancos 2-0 ayey dirtay lugtii labaad iyadoo isku cel-celis ahaan labada lug la xisaabiyay 5-1 – koobkiina waxaa gurigooda ku qaaday wiilasha Zidane.

21-jirka reer Spain Marco Asensio ayaa dhaliyay gool cajiib ah daqiiadii 4-aad ee ciyaarta ka hor inta uusan gool kale oo ilqabad leh uusan shabaqa dhex dhigay Karim Benzema.

GIF: Sergio threw the ball in the sky for Messi cause he knows Leo has a history of yelling at the air. #SR4#HalaMadridpic.twitter.com/Gj9J0Uhi8q

— Team Ramos (@TheKingSR4) August 16, 2017

Si kastaba mucjisada reer Argentina ma aheyn habeen u fiican madama uusan wax badan ka qaban kulanka, wuxuuna ku fashilmay inuu si taam ah gool uga dhaliyo Madrid laba kulan walow uu rigoore ka dhaliyay lugtii hore.

Shaqaaqo ayaa dhexmartay Lionel Messi iyo Sergio Ramos markii Barcelona lagu abaalmariyay laad xor ah – kabtanka Los Blancos ayaana kubada ka tuuray Messi.

Sida lasoo wariyay: “La Coucha de tu madre!” – kalmadaan xitaa waxaa fahmi kara dadka aan ku hadlin luqada Spain madama ay tahay aflagaado aan fiicneen oo ay mar walba adeegsadaan ciyaartoyda.

Inkastoo fasirka kalmadaan loo adeegsado ay kala duwan tahay hadana waxa ugu badan ee ay dadka u isticmaalaan waxey tahay iney ku aflagaadeeyaan waalidka qofka ay ku leeyahiin weertaan – “Hooyadaa W***” ayeyna warbaahinta intooda badan u fasireen.

Aragtidaada Ku Dhiibo Facebook

comments

Let’s block ads! (Why?)

Muxuu Tababare Zinedine Zidane Ka Yiri Guushii Ay Kooxdiisa Ka Gaartay Barcelona & Koobkii Ay Ka Xayuubsadeen?

Tababare Zidane ayaa u hogaamiyay Real Madrid ku guuleysiga koobka Supercopa de Espana – xilli kooxda ay isku diyaarineyso iney difaacato horyaalka La Liga xilli ciyaareedka bilaaban doona jimcaha.

Los Blancos 5-1 ayey ku dubatay Barcelona labadii lug ee ay ciyaareen kooxaha ugu waaweyn Spain – wuxuuna muujiyay sida uu ugu faraxsan yahay guusha ay gaareen isagoo sidoo kale ka hadlay sida ay isugu diyaarinayaan xilli ciyaareedka cusub.

“Qeybta hore ee kulanka waxey aheyd cajiib” ayuu yiri Zidane oo la hadlayay warbaahinta kadib kulankii ay garaaceen Barcelona.

“Waxaan ciyaarnay inagoo leh awood dheeri ah, waan ku faraxsanahay inaan koob kale ku guuleysano”

Dhanka kale Marco Asensio ayaa dhaliyay gool aan caadi aheyn isagoo soo bandhigay bandhig aad u cajiib badan manaa aheyn wax uu iloobay tababarahiisa.

“Kaliya maahan inuu isaga sameeyay wax weyn, kooxda dhan ayaa dooneysa iney joogteyso guusha” ayuu yiri Zidane.

“Waan ku raaxeystaa waxa dhacaya, waan jeclahay kubadda cagta marka aan arko gool sidaas ah waan ku raaxeystaa sida qof walba oo kale”

Ugu dambeyntii Zidane ayaa ka hadlay hadii uu jiro cadaadis mar walba si dabiici ah u saaran qof walba oo maamula Los Blancos.

“Kuma aanan guuleysan horyaalka, sida sanadkii hore, waxaana ku qasbanahay inaan u dagaalano ilaa ugu dambeynta”

“Waan ku faraxsanahay habka aan ku bilaabanay iyo inaan koobab kula guuleysto ciyaartoydaan”

“Waxaan wareega kusoo xirnay ku guuleysiga Sueprcopa, hadana waxaan dooneynaa inaan bilowno u dagaalanka afar koob oo horteena ah waxeyna noqon doontaa mid aad u adag”

“Maahan wax fudud, balse waan isku diyaarineynaa tartankaas”

Aragtidaada Ku Dhiibo Facebook

comments

Let’s block ads! (Why?)

Real Madrid Oo Guul Raaxo Leh Ka Gaartay Barcelona, Marco Asensio Oo Ka Yaabsaday Qof Walba & Los Blancos Oo La Hoyatay Koobka Supercopa de Espana.

Laba gool oo ay qeybtii hore ciyaarta kala dhaliyeen Maco Asensio iyo Karim Benzema ayaa guul weyn siiyay Real Madrid kulankii lugta labaad ee supercopa de Espana taasoo ka dhigan iney isku cel-celis ahaan ku guuleysatay kooxda boqortooyada 5-1.

Lugtii hore ee ka dhacday ee Camp Nou waxey kusoo dhamaatay 3-1 markaas oo ay goolal ka heleen Cristiano Ronaldo & Marco Asensio inkastoo mid ka mid ah goolasha uu iska dhaliyay Gerard Pique.

Real Madrid markii 10-aad ayey ku guuleysatay koobka Supercopa de Espana, waxeyna u aheyd habeen farxadeed jamaahiirta Balaugrana.

Real Madrid ayaa ku bilaabatay si adag madama ay joogto gurigeeda iyadoo tababare Zidane uu kusoo bilaabay sadex wiil oo aan boos ka heysan kooxdiisa Kovacic, Vazquez iyo Asensio, halka Barcelona aysan la harin wax ciyaartoy ah.

Daqiiqadii 2-aad: Real Madrid ayaa durba weerar sameysay markii Marcelo uu kubad u gudbiyay Asensio kaas oo isna ku simay Luka Modric balse kubadii uu goolka aadiyay waxaa isku dhigay Umititi.

GOAL – Daqiiqadii 4-aad: Marco Asensio ayaa si lama filaan ah kubad awood leh shabaqa u dhex dhigay – isagoo kasoo toogtay meel ugu yaraan 25-talaabo u jirta goolka, qof walba ayuuna ka yaabsaday da’yarka reer Spain.

Barcelona ayaa suuxsaneyd tobankii daqiiqo ee ugu horeysay madama ay ku fashilmeen iney isla jaan qaadaan – mana jirin xidig ka tirsan oo kubad dhaqaajin karay xitaa Lionel Messi.

Daqiiqadii 14-aad: Luis Alberto Suarez ayaa gudaha u galay xerada ganaaxa iyadoo Ramos uu ku gadaal kufay, balse kubadii uu banaanka soo dhigay ma jirin cid ka faa’ideysata

Daqiiqadii 18-aad: Barcelona ayaa halis galisay goolka Real Madrid markii Lionel Messi uu si fudud kubad isugu dayay inuu u gaarsiiyo Suarez, balse Varane ayaa si adag uga soo bixiyay.

Daqiiqadii 24-aad: Real Madrid ayaa abaabushay weerar halis ah, Carvajal ayaana kubad qiyaano ah u gudbiyay Benzema – xidiga reer France kubad xerada ganaaxa ayuu ku hakiyay balse kubadii uu gaarsiiyay Asensio waa ka dhicisowday.

Daqiiqadii 32-aad: Lucaz Vazquez ayaa u dhawaaday inuu hogaanka ugu dheereeyo Real Madrid markii kubad lagu dhex siiyay xerada ganaaxa – lugta bidix ayuu kubadda ku tuuray balse qoriga ayaa ka beeniyay.

GOAL! Daqiiqadii 38-aad: Benzema ayaa hogaanka u dheereeyay Los Blancos markii uu si qurux badan kubad u sare kiciyay ka hor inta uusan lugta bidix ku dhameystirin kubadda.

Daqiiqadii 43-aad: Karim Benzema ayaa si fiican u shaqeeyay, sadex xidig ayuu kubadda si weyn ula gudbay ka hor inta uusan si awood leh kubadda goolka ugu tuurin – balse waa ka sare kacday.

Qeybta hore ciyaarta ayaa kusoo dhamaatay 2-0, oo ay hogaanka ku heysay Real Madrid halka isku cel-celis ahaan ay noqotay 5-1, xilli Isco, Bale & Casemiro ay kursiga kasoo muuqdeen.

Daqiiqadii 52-aad: Messi ayaa u dhawaaday inuu hal gool usoo celiyo Barcelona, balse kubadii uu goolka aadiyay birta kore ayaa ka beenisay – walow uu si fiican uga dul bootiyay goolhayaha.

Daqiiqadii 57-aad: Karim Benzema ayaa durba jawaab dhaqso leh ka bixiyay markii uu kubad hal iyo labo ah la ciyaaray Asensio, balse kubadii uu goolka aadiyay goolhaye Stegen ayaa si adag isaga saaray.

Daqiiqadii 65-aad: Luis Suarez ayaa u dhawaaday inuu goolka calanka u dhaliyo Bacelona, balse kuma guuleysan markii uu si qaldan kubadda u madaxeeyay – geesta garoonka ayeyna martay.

Daqiiqadii 72-aad: Luis Suarez ayaa ku fashilmay inuu si sax ah goosha ugu leexiyo kubad goosha u furneed markii Keylor Navas uu kubad awood leh ka badbaadiyay Lionel Messi.

Natiijada ciyaarta ayaa ugu dambeyn kusoo dhamaatay 2-0, oo ay guusha ku raacday Real Madrid taasoo 5-1 isku cel-celis ku dubatay Barcelona, Ernesto Valverde iyo wiilashiisa ayaana isaga baxay garoonka Santiago Bernabeu.

Aragtidaada Ku Dhiibo Facebook

comments

Let’s block ads! (Why?)

Shaxda Rasmiga Ah Kulanka El-Clasico – Zinedine Zidane Oo Isbadal Weyn Sameeyay & Valverde Oo Shaxda Adkeeyay.

Tababare Zinedine Zidane ayaa go’aan geesinimo leh qaatay markii uu kursiga keydka dhigay Isco Alcaron, Gareth Bale iyo Casemiro – waana arin layaab ku ah jamaahiirta Los Blancos.

Safka hore waxaa lagu soo bilaabay Marco Asensio, Matteo Kovacic iyo Lucas Vazquez kuwaas oo badal u noqday sadexdaas ciyaartoy.

Barcelona waxey iyana kusoo gashay shax adag iyadoo Mashcerano lagu soo celiyay safka hore kooxda – Ernesto Valverde ayaana u muuqda mid sadex daafac dambe ciyaaraya.

REAL MADRID: 

Navas; Carvajal, Ramos, Varane, Marcelo; Modric, Kovacic, Kroos; Vazguez, Benzema, Asensio.

KAYDKA: 

??????

BARCELONA:

Ter Stegen, Pique, Mascherano, Umtiti, Alba, Busquets, Gomes, Rakitic, Roberto, Messi, Suarez

KAYDKA:

Cillessen, Semedo , Denis Suárez , Deulofeu , Alcácer , Digne , Aleix Vidal, Aleñá

Aragtidaada Ku Dhiibo Facebook

comments

Let’s block ads! (Why?)

Wararka Man United: Halkey Mareysaa Xaaladda Perisic? Halyeey Liverpool La Jeclaaday De Gea & Hadii Looga Guuleystay Aurier.

Maalin wanaagsan dhamaan akhristayaasha shabakadda Laacib.net meel walba oo aad dunida ka joogtaan waxaan idin leenahay waqti wanaagsan qaata.

Suuqa kala iibsiga ciyaartoyda ayaa si rasmi ah u furmay 1-da July, koox walba ayaana dooneysa iney sameyso saxiixyo si ay ugu hawlgasho 6-da bilood ee soo aadan, waxaan idiin soo aruurinay wararkii ugu dambeeyay ee la xiriira kooxda Manchester United. Sheeko waxlba waxaan siineynaa tix-raaceeda tasoo naga bari yeeleysa inaan masuul ka noqono jiritaanka iyo xaqiiqda warka. Waase xan ay qoreen warbaahinta caalamka.


Halkey Mareysaa Xaaladda Perisic?

Tababaraha Manchester United Jose Mourinho ayaa ka cabsi qaba inuu waayo garabka Inter Milan Ivan Perisic, wariyaha BBC-da Simon Stone ayaa qiray in xaalada xidigaan ay hawada ku jirto.

Mourinho ayaa rajeynaya inuu lasoo saxiixdo xidigii afaraad ee xagaagan, balse lama oga hadii uu noqon doono Perisic oo ay bishii Maarso macalinka Red Devils ku kulmeen magaalada Zagreb.

Si kastaba ilo ku dhaw Man United ayaa u sheegay wariyaha in shaki weyn la galinayo hirgalinta heshiiska Ivan Perisic.

Halyeey Liverpool La Jeclaaday De Gea:

Xidigii hore Liverpool Steve McManaman ayaa shaaca ka qaaday inu Manchester United kaliya hal xidig ka jeclaan waana David De Gea.

“Waan jeclahay De Gea, ma dhahayo waa lagama maarmaan in Liverpool ay u baahan tahay goolhaye” ayuu yiri Steve oo ku sugnaa BT Sport.

Si kastaba Steve McManaman wuxuu qabaa in David De Gea uu waqti badan badbaadinayay xilli ciyaareedka kooxda Jose Mourinho.

Miyey Red Devils Weysay Serge Aurier?

Manchester United ayaa qarka u saaran iney weyso daafaca midig ee Paris Saint Germain Serge Aurier madama lasoo warinayo inuu xidigaan heshiis la gaaray Tottenham Hotspur.

L’Equipe ayaa qortay in 24-jirkaan heerka caalami uu u muuqdo mid weynaya imaatinka Old Trafford balse aan ka baaqsan doonin Wembley.

Aragtidaada Ku Dhiibo Facebook

comments

Let’s block ads! (Why?)

Wararka Suuqa Arsenal: Sancez Oo Lagu Badalanayo Benzema, Mustaqbalka Barkley & Hadii Chamberlain La Iibinayo.

Maalin wanaagsan dhamaan akhristayaasha shabakadda Laacib.net meel walba oo aad dunida ka joogtaan waxaan idin leenahay waqti wanaagsan qaata.

Suuqa kala iibsiga ciyaartoyda ayaa si rasmi ah u furmay 1-da July, koox walba ayaana dooneysa iney sameyso saxiixyo si ay ugu hawlgasho 6-da bilood ee soo aadan, waxaan idiin soo aruurinay wararkii ugu dambeeyay ee la xiriira kooxda Arsenal. Sheeko waxlba waxaan siineynaa tix-raaceeda tasoo naga bari yeeleysa inaan masuul ka noqono jiritaanka iyo xaqiiqda warka. Waase xan ay qoreen warbaahinta caalamka.


Sanchez → Real, Benzema → Arsenal:

Real Madrid ayaa laga yaabaa iney soo hindisto qorshe cusub oo ay ku heli karto weeraryahanka reer Chile Alexis Sanchez kaas oo gadood ka ah kooxdiisa Arsenal, balse waxey ku wareejin doonaan Karim Benzema.

Wargeyska Don Balon ayaa shaaca ka qaaday in Real Madrid ay si hoose u rabto Alexis Sanchez inkastoo aysan wax hormar sidaas u weyn ka sameyneynin ilaa iyo haatan.

Manchester City ayaa xiiseyneysa xidiga reer Chile, balse Gunners marnaba ma dooneyso iney ka iibiso xidigaan kooxaha gudaha.

Wargeyska wuxuu aaminsan yahay in Arsenal ay aqbali doonto hadii loo soo bandhigo xidiga reer France.

Mustaqbalka Ross Barkley:

Ross Barkley ayaan la ogeyn hadii uu kusii nagaanayo garoonka Goodison Park xagaagan, balse Arsenal ayaa ka mid ah tiro kooxo ah oo aad u doonaya xidigaan heerka caalami.

Ronald Koeman ayaa sheegay inuusan waxba ka ogeyn arinta xidigaan balse ay sugi doonaan sida ay xaaladiisa noqoto ilaa dhamaadka August.

Miyey Iibinayaan Chamberlain?

Arsene Wenger ayaa u sheegay Chelsea iney candhuuftooda dib u liqaan madama uu sheegay inuusan qorsheyneynin iibka xidiga da’da yar ee qaranka England.

Chelsea ayaa dalab 35 Malyan oo Pound kasoo gudbisay xidigaan, balse Arsene wuxuu diyaar u yahay inuu indhaha ka qarsado dalab walba oo laga soo gudbiyo wiilkaan.

“Haa, wuu joogayaa halkaan – Sabab? shaqsi ahaan, sababtoo ah si weyn ayaan u qiimeeyaa waana mid ka mid ah xidigaha sare u qaaday”

Aragtidaada Ku Dhiibo Facebook

comments

Let’s block ads! (Why?)

Blaise Matuidi Oo Soo Gaaray Turin Si Uu Caafimaadka Ugu Maro Juventus & Qiimaha Uu Ku Imaanayo Bianconerri Oo La Ogaaday.

Blaise Matuidi ayaa soo gaaray magaalada Turin si uu caafimaadka ugu maro Juventus – in ka badan 50 taageero ayaana soo dhaweeyay walow aysan aheyn imaatin laga warqabay.

Xidiga reer France ee ka tirsan Paris Saint Germain ayaa qarka u saaran inuu dhameystiro ku biiritaanka Bianconeri iyadoo warbixinada qaar ay sheegayaan in ugu yaraan 15 ilaa 20 Malyan oo Euro lagu iibsan doono xidigaan.

Waxaa la rajeynayaa in xidigaan uu saxiixo heshiis sadex sano ah oo sanadkii uu ku qaadan doono aduun dhan 4.5 Malyan oo Euro, waxaana suuragal ah inuu ka mid noqdo liiska xidigaha sabtida ka hor tagaya Cagliari.

Wargeyska L’Equipe ayaa shaaca ka qaaday in xidigaan la isku afgartay inuu ku biiro Juventus – waxaana la filayaa in berito lasoo afjaro heshiiskiisa.

30-jirkaan ayaa 54-jeer kasoo muuqday xulka qaranka Faransiiska, wuxuuna kula guuleystay afar jeer horyaalka faransiiska.

Aragtidaada Ku Dhiibo Facebook

comments

Let’s block ads! (Why?)

Page 1 of 17123Next ›Last »