Home » Archives by category » CAYAARAHA

Madaxa Fulinta Borussia Dortmund Ee Hans-Joachim Watzke Oo Beeniyay In Barcelona Ay Horumar Ka Samaysay Heshiiska Ousmane Dembele.

Maamulkaha guud ee kooxda Barcelona ee  Pep Segura ayaa saxaafada ka sheegay in kooxdiisu ay ku dhawdahay saxiixyada Ousmane Dembele iyo Philippe Coutinho isla markaana ay maalmaha soo socda kooxdooda xoojin u samayn doonaan. Laakiin madax fulinta kooxda Borussia Dortmund ee Hans-Joachim Watzke ayaa beeniyay in wax horumar ah ay Barcelona ka samaysay heshiiska ay ku doonayso Ausmane Dembele.

Hans-Joachim Watzke ayaa wargayska Germany ka soo baxa ee Kicker u sheegay in ayna Barcelona hal inj oo horumar ah ka samayn xaalada Ousmane Dembele wuxuuna yidhi:” Barcelona may samayn hal inch oo hurumar ah ee heshiiska Dembele”.

Hadalkan ayaa waran xoogan ku ah madaxda Barcelona ee doonayay in ay saxiixyada Coutinho iyo Ousmane Dembele ku dajiyaan jamaahiirta kooxdooda ee cadhada wayn ka qaaday natiijada xumida kooxdooda kubbada cagta iyo waliba maamul xumada Camp Nou iyaga oo wada qorshe olole wayn ah oo looga soo horjeedo Bartome.

Barcelona ayaa xaaly guuldaro 2-0 ah kala soo laabtay Bernabeu waxaana jamaahiirta Barcelona natiijada guuldarada uga xumaa qaabkii kooxdooda loogu bahdilay Bernabeu qaybtii hore ee kulankan iyada oo Balaugrana awoodi wayday in ay kubbada laba jeer isku taaban karto.

Jamaahiirta ololaha ka dhanka ah Bartomeu wada ayaa ku doodaya in uu kooxdooda burburiyay isla markaana uu baabi’iyay La Masia iyada oo waliba lagu eedeeyay in heshiiska xidiga ree Brazil ee Paulinho uu lacagta qaaliga ah ugu soo bixiyay maadaama oo ay saamayn fiican ku yeelnayso hawlihiisa ganacasi ee Asia. Inkasta oo ay Barcelona arintan war saxaafadeed ku beenisay.

Laakiin in warkii uu sheegay maamulaha guud ee Barcelona ee uu ku xusay in ay ku dhaw yihiin Dembele uu beeniyay madaxa fulinta Dortmund ayaa muujinaysa sida aanu hadalkiisa uga fiirsan iyada oo loo fahmi karo in uu la doonayay in xaalada kooxda lagu dajiyo.

Borussia Dortmund ayaa saxiixa Dembele ka doonaysa 120 milyan oo euros iyo waliba 30 milyan euros oo qaab ciyaareedkiisa ku xidhnaan doona laakiin Barcelona ayaan wali la soo laaban dalab kale markii ay Dortmund hore u soo diiday dalbkii hore.

Aragtidaada Ku Dhiibo Facebook

comments

Let’s block ads! (Why?)

SAWIRO: Kooxda Barcelona Oo Soo Bandhigtey Saxiixeeda Cusub, Iyadoona……………….

Kooxda kubada Cagta Barcelona ayaa soo bandhigtay Saxiixa cusub ee ay lasoo wareegeen kaas oo ah Xiddiga dalka Braziil ee Paulinho kaas oo Maanta lagu soo bandhigay Garoonka Caanka ah ee Nou Camp. Barcelona oo iclaamisay in ay soo bandhigayaan Cayaaryahanka dalka Braziil ee Paulinho ayaa lafilayey in ay Garoonka soo galaan Taageerayaal aad u fara badan waxaase […]

RASMI: Kooxda Juventus Oo Si Rasmi Ah U Dhameystirtey Saxiixa Xiddigii Beryahanba Aadka Loola Xiriirinayey Ee………(Tolow Waa Kee???)

Blaise Matuidi ayaa ku baasay tijaabadii caafimaad ee uu u maray kooxda kubadda cagta Juventus ee waddanka Talyaaniga, waxaana la filayaa inay si rasmi ah u u shaaciyaan inay laacibkan kala soo saxiixdeen Paris Saint-Germain. Xiddiga xulka qaranka Faransiiska ayaa shalay soo gaartay magaalada Turin oo ay ka dhisan tahay kooxda Juventus, waxaana uu tijaabada […]

Kylian Mbappe Oo Gabi Ahaanba Laga Saaray Kooxda Monaco Ee Habeen Danbe Wajaheysa Metz Xilli Aan Weli La Hubin Mustaqbalkiisa

Kylian Mbappe ayaa laga saaray liiska 19ka ciyaaryahan ee kooxda AS Monaco ee u safraya habeen danbe kooxda Metz iyadoo weli ay socdaan wararka la xiriira inuu ka careysan yahay mustaqbalkiisa kooxda.

Da’ yarka reer France ee aadka loo qiimeeyo ayaa kursiga keydka fadhiyay iyadoo Radamel Falcao uu seddexleey dhaliyay kulankoodii ugu horeysay xilli ciyaareedka ee ay ku difaacanayeen horyaalka.

Mbappe ayaana haatan laga wada saaray gabi ahaanba kooxda kulanka habeen danbe oo Jimce ah ee horyaalka Faransiiska.

Kooxda Paris Saint-Germain ayaa si weyn loola xiriirinayaa da’ yarkaan, iyagoo heshiis kale oo qaali ah kula wareegaya ka dib markii ay 222 milyan yuro ku soo xerogeliyeen Neymar.

Tababaraha Monaco Leonardo Jardim ayaa ka dib kulankii ay 4-1 kaga badiyeen Dijon isbuucii la soo dhaafay, waxa uu sheegay in sababtii uu kursiga keydka u dhigay Mbappe inay aheyd mid uu isagu ku ilaalinayo.

Real Madrid ayaa sidoo kale weli dagaal ugu jirta saxiixa da’ yarkaan si la mid ah Manchester City inkastoo wararka France ka imaanaya ay sheegayaan in kooxda ka dhisan caasimada ay ugu cadcadahay inay gacanta ku dhigto xagaagan.

Dhibaatada jirta ayaase ah in Monaco aysan dooneynin inay ka iibiyaan kooxda ay sida weyn u xafiiltamaan. Xiriir wanaagsan lama lahan PSG, waxaana ay ku adkeysanayaan inaysan ka iibineynin Mbappe iyo Fabinho inkastoo labada ciyaartoy ay doonayaan inay ka ciyaaraan Parc des Princes.

Aragtidaada Ku Dhiibo Facebook

comments

Let’s block ads! (Why?)

RASMI: Blaise Matuidi oo ka gudbay tijaabadii caafimaad ee uu u maray kooxda Juventus

Blaise Matuidi ayaa ku baasay tijaabadii caafimaad ee uu u maray kooxda kubadda cagta Juventus ee waddanka Talyaaniga, waxaana la filayaa inay si rasmi ah u u shaaciyaan inay laacibkan kala soo saxiixdeen Paris Saint-Germain. Xiddiga xulka qaranka Faransiiska ayaa shalay soo gaartay magaalada Turin oo ay ka dhisan tahay kooxda Juventus, waxaana uu tijaabada […]

Khabiirka Sky Sports Paul Merson Oo Saadaaliyay Kulamada Isbuuca Labaad Ee Premier League Ee Ay Ku Jirto Tottenham v Chelsea

Ka dib markii uu xilli ciyaareedka cusub ku bilaabay sixida saadaasha todoba natiijo, khabiirka Sky Sports ayaa mar kale la soo laabtay saadaashiisa Premier Leaugue.

Manchester United iyo Huddersfield ayaa raadinaya inay sii kordhiyaan guulaha waa weyn ee ay ku bilowdeen marka ay kala wajahayaan kooxaha Swansea iyo Newcastle. Tottenham iyo Chelsea ayaa iyagana isku balansan maalinta Axada oo ay ku kulmayaan Wembley ka hor inta aysan Manchester City martigelinin Everton habeenka Isniinta.

Kooxda Red Devils ayaa Sabtida marti u ah kooxda reer Wales ee Swansea, waxaana Paul Merson uu saadaaliyay in kooxda Jose Mourinho ay 2-0 ku soo badin doonto. Isla Sabtida waxaa Anfield ka dhacaya kulankii ugu horeysay ee xilli ciyaareedkan Premier League marka Liverpool ay soo dhaweyso Crystal Palace.

Reds oo barbaro ku bilaabatay xilli ciyaareedka ayuu Merson u saadaaliyay inay guul 3-1 ah ka gaarayaan kooxda reer London ee Crystal Palace. Arsenal ayaa iyadana Sabtida u safreysa kooxda Stoke City, waxaana ciyaaryahankoodii hore Merson uu u saadaaliyay kooxdiisa inay 3-1 kaga badin doonto Stoke.

Axada waxaa kulan weyn uu ka dhacayaa Wembley marka Tottenham ay soo dhaweyso Chelsea, Paul Merson ayaana saadaaliyay inay labada kooxood ee reer London ay barbaro 1-1 ah ku kala bixi doonaan.

Isniinta Etihad Stadium waxaa isku wajihi doona Manchester City iyo Everton waxaana uu Paul Merson saadaaliyay in kooxda Pep Guardiolaay 3-0 ku badin doonto.

SAADAASHA PAUL MERSON:

Sabtida

Swansea 0-2 Manchester United

Bournemouth 3-1 Watford

Burnley 2-1 West Brom

Leicester City 3-0 Brighton

Liverpool 3-1 Crystal Palace

Stoke City 1-3 Arsenal

Southampton 1-0 West Ham

Axad

Huddersfield 1-1 Newcastle

Tottenham 1-1 Chelsea

Isniin

Manchester City 3-0 Everton

Aragtidaada Ku Dhiibo Facebook

comments

Let’s block ads! (Why?)

RASMI: 24-ka Ciyaaryahan ee u sharraxan abaal-marinta Xiddiga sanadka ee FIFA oo la shaaciyey… (Real Madrid 7 laacib ku leh!)

Waxaa lagu dhawaaqay 24-ka ciyaaryahan ee u sharraxan abaal-marinta xiddiga sanadka ee FIFA ‘The Best’, waxaana todoba laacib ku leh kooxda loo badinayo in xiddig ka mid ahi ku guuleysto abaal-marintan. Cristiano Ronaldo ayaa ka mid ah 7 ciyaaryahan oo ka tirsan kooxda Real Madrid ah oo ka mid ah musharaxiinta abaal-marinta The Best. Los […]

WALWAL CUSUB – Barcelona Oo Qiratay In Lionel Messi Uusan Weli Qalinka Ku Duugin Qandaraaska Cusub Inkastoo Uu Ogolaaday Bishii Hore

Lionel Messi ayaa weli qalinka ku duugin qandaraaskiisa cusub ee kooxdiisa Barcelona sida ay kooxda reer Catalan qiratay maanta.

Qandaraas uu ku sii joogayo Nou Camp islamarkaana ka dhigaya xiddiga ugu mushaharka badan caalamka ayaa si isafgarad leh la isagu raacay.

Barcelona ayaa shabakadooda waxa ay ku soo qoreen in Messi uu qalinka ku duugi doono qandaraas cusub ka dib marka uu ku soo laabto tababarka kooxda ee ay isagu diyaarinayaan xilli ciyaareedka cusub.

Si kastaba, xilli ciyaareedka cusub ee La Liga ayaa bilaabanaya isbuuca soo socda, welina ma jiraan wax la saxiixay.

Madaxweyne ku xigeenka Barcelona Mestre ayaa sheegay in Barcelona aysan wax walwal ah ka qabin arintaas islamarkaana taariikhda heshiiska la saxiixi doono dib laga soo sheegi doono.

“Wax walba waa la isku raacay, waxaan sugeynaa taariikhda heshiiska la saxiixi doono. Wax walba waa diyaar, kaliya waxaa maqan saxiixiisa” ayuu yiri Mestre.

“Qandaraaska cusbooneysiinta Leo waa si weyn inoogu cad, waxaana ka shaqeyneynay muddo dheer.

“Wax walba waxa ay u muuqdaan sida ugu wanaagsan, waxaana ay igu noqon doontaa lama filaan haddii uusan saxiixu dhicin.”

Mestre ayaa horaantii xagaagan sheegay in Neymar uu boqolkiiba 200 sii joogi doono Barcelona, taasoo noqotay mid been ah ka dib markii PSG ay kula wareegtay heshiis 222 milyan yuro ah.

Aragtidaada Ku Dhiibo Facebook

comments

Let’s block ads! (Why?)

RASMI: 12-ka tababare ee u sharraxan abaal-marinta tababaraha sanadka ee FIFA oo la soo saaray, xilli ay hoggaaminayaan Zidane iyo Mourinho

Waxaa lagu dhawaaqay 12-ka tababare ee u sharraxan abaal-marinta tababareyaasha sanadka ee FIFA waxaa hoggaaminaya macallimiinta Zidane, Mourinho iyo Conte. Tababaraha kooxda Man United ee Jose Mourinho ayaa ka mid ah macallimiinta u sharraxan tababaraha sanadka ee FIFA, kaddib markii uu saddex koob la qaaday kooxdiisa Man United xilli ciyaareedkiisii ugu horreeyey (Europa League, League […]

Daawo: Paulinho Oo Ay Ceeb Ka Hor Inta Aanu Wax Kulan Ah U Ciyaarin Kooxdiisa Barcelona, Badhiga Dhexdiisa Ayuu Ku Fashilmay

Kadib markii ay Barcelona maalmo yar ka hor ka soo bixisay lacag dhan 40 Milyan oo euro Paulinho ayaa durba taageerayaasha siiyay sabab ay uga maadsadaan.Taageerayaal badan ayaan ku faraxsanayn saxiixa xiddigan iyaga oo u arka in aanu ahayn xiddig wax …

Page 1 of 120123Next ›Last »