Farmaajo oo maanta la kulmaaya dadka deegaanka ku ah magaalada Gaalkacyo

Maxamed Cabdullaahi Maxamed Farmaajo Madaxweynaha Dowlada Fedralka Soomaaliya oo ku sugan Magaalada Gaalkacyo oo ay wehlinayaan Mas`uuliyiinta maamulka Galmudug,iyo xubno ka tirsan Dowlada soomaliya ayaa maanta Waxaa la filayaa in ay furaan kulamo dib u heshiisiin ah oo ku saabsan xaaladda gobolka Mudug.

Madaxweynaha ayaa sheegay muddada uu joogo magaalada Gaalkacyo in uu dardar gelin doono dadaallada dib u heshiisiinta iyo nabadeynta magaalada oo Dowladda Federaalka Soomaaliya ay bilihii u dambeeyay wax badan ka qabatay.

Waxaa uu kulamo wadatashi ah la yeelan doonaa masuuliyiinta heer Gobol iyo heer Degmo, duubabka dhaqanka, ganacsatada, culumada, iyo guud ahaan qeybaha kala duwan ee bulshada.

Kulamaddaasi ayaa ka dhaci doonta Koonfurta Magaalada Gaalkacyo ee Galmudug.

Madaxweyne Farmaajo ayaa shalay waxaa u bilowday Safarka uu ku tagaayo degaanada Galmudug, waxaana lagu waddaa in uu berri gaaro Magaalada Cadaado.

NAGALA SOO XIRIIR:- WEBMASTER@GEESGUUD.COM AMA FORMKA HOOSE RIIX BUUXI OO TOOS NOOGU SOO DIR