Taariikhda iyo Wax-soo-saarka Dugsiga Farsamada Burco (WQ: Cismaan Abokor Dubbe)

Sanadkii 1999kii baan akhriyey buug ka sheekaynaya dib u kabashadii Germany. Cutub kamid ahi wuxu gaar uga sheekaynayey Dugsiga Farsamada Gacanta ee Burco. Nuxurka buuggu wuxu ahaa Jarmalku 15 sano ayuu kaga soo kabtay burburkii iyo bayhoofkii dagaalkii labaad, kaddibna wuxu wax la’qabtay oo caawiyey ummadihii soo korayay ee ku noolaa Africa iyo Asia.

Dugsigan oo caan ku ah magaca Iskuulka Jarmalka waxa la’ dhisay sanadkii 1964kii. Kharashka ku baxay wuxu ahaa 400,000 Dollar oo xiligaas joogay una dhigma 4 Malyuun oo Dollar oo maanta jooga. Qorshaha dugsigan waxa lahaa mid kamid ah aabayaashii Xoriyadda waa Axmed-Keyse Xaaji Ducaale oo Reer Ceerigaabo ahaa laakiin Burco laga soo dooran jirey. Wuxu dowladdiii Cabdirashid Cali Sharmarke ka noqday Wasiirka Beeraha, kaddibna wuxu noqday Safiirka Soomaaliya u fadhiya Jarmalka Galbeed, kaddibna Ingiriiska. Jarmalku, caashaq ay caashaqeen Burco iyo dadkeeda ugumay dhisin dugsigan casriga ah ee dedaal iyo dagaal adag oo uu galay Ambassador Axmed-Keyse Xaaji Ducaale ayaa keenay dhismaha Instuutka Farsamada Burco.

Dhismaha Dugsiga waxa la geliyey tacab badan, Jarmalkuna wuxu keenay Aqoontii, Qalabkii iyo Macalimintii oo wada socda. Waa sababtaas sababta dadkii ka aflaxay dugsigani u noqdeen taabba-gal.

Haldoorkii ka aflaxay Burco Technical Institute ka aad bay u badnaayeen, waxaynuse ka xusi karnaa:

Sh. Mustafa Xaaji Ismaaciil (Shekha weyn ee Somaliyeed)

Dr Saeed Axmed Xasan (Guddoomiyaha Golis)

Maxamed Kahin Axmed (Wasiirka Gudaha Somaliland)

Sheekh Xasan Cabdisalaam (Hoggaamiye xagga Diinta ah)

General Carab Ducaale Cilmi (5 Star ⭐️ General)

Axmed Xaashi Cabdi (Wasiir, Xildhibaan)

Cabdicasiis Samaale (Wasiirkii  Maaliyadda)

Cabdiraxman Xaaji Daahir (Cammuud University)

Cabdirashid Xasan Mataan (Musharax M/xigeen)

Eng Maxamed Cali Burco (Ex-Xildhaan)

Xaaji Abshir Axmed Xasan (Wasiirkii Dib u dejinta)

Cabdiraxman Raage (Agaasimihii Hay’adda Inter-peace)

Maxamed Faarax Laangadhe (Badhasaabkii Sool)

Naasir Xaaji Cali Shire (Xildhibaan)

WQ: Cismaan Abokor Dubbe

Let’s block ads! (Why?)

NAGALA SOO XIRIIR:- WEBMASTER@GEESGUUD.COM AMA FORMKA HOOSE RIIX BUUXI OO TOOS NOOGU SOO DIR