Taliyihii qeybta 12-ka April oo qarax lagu dilay

War goordhaw kusoo dhacay Warqabadka Wardoon.net ayaa sheegaya in qarax lagu dilay Taliyihii qeybta 12-ka April ee ciidanka xoogga dalka Jen. Cumar Aadan Dhabad (Cumar Dheere) iyo saraakiil kale oo katiran ciidanka Milatariga.

Kolonyo gaadiid ah uu la socday Taliye Cumar Dheere ayaa qarax miino lagula eegtay meel ku dhaw deegaanka Dhanaane ee gobolka Shabeelaha Hoose, waxaana qaraxa ka dhashay khasaaro badan oo isugu jira dhimasho iyo dhaawac.

Inta la xaqiijiyay qaraxan waxaa ku dhintay Taliyihii qeybta 12-ka April Jeneraal Cumar Dheer iyo sidoo kale Abaanduulaha qeybta 12-ka Jen. Cabdi Cali Jamaame, waxaa sidoo kale qaraxa ku dhintay tiro kale oo kamid ah ciidanka Milatariga.

Jen. Cumar Aadan Dhabad (Cumar Dheere) ayaa dowladii KMG ee dalka kasoo noqday Xildhibaan iyo sidoo kale Wasiir kuxigeyn, waxa uuna hada ahaa Taliyihii qeybta 12-ka April ee ciidanka Milatariga.

Ahmed Roble
wardoon.net@gmail.com

Fadlan Ra‘yigaaga kadhiibo

Let’s block ads! (Why?)

NAGALA SOO XIRIIR:- WEBMASTER@GEESGUUD.COM AMA FORMKA HOOSE RIIX BUUXI OO TOOS NOOGU SOO DIR