Wada Hadal u Bilowday Soomaaliya Iyo Imaaraadka

Dowladaha Soomaaliya iyo Imaaraadka Carabta oo maalmahan khilaafkooda uu cirka isku shareeray ayaa waxaa u bilowday wada hadal ay kaga wada hadlayaan xiisada u dhaxeysa labada dal.

Kulamada wada hadalka ah ee u dhaxeeya labada wadan ayaa waxaa yeelanaya Madaxda ugu sareysa ee Imaaraadka Carabta iyo Soomaaliya, oo ka xaajoonaya sidii Caleemo qoyan loo saari lahaa xiisada u dhaxeysa Soomaaliya iyo Imaaraadka Carabta.

Wasiirka Arrimaha Dibadda Xukuumadda Federaalka Soomaaliya Amb. Axmed Ciise Cawad oo la hadlay VOA-da isaga oo ka mid ah wafdiga Sacuudiga uga qeyb galaya shirka Jaamacadda Carabta ayaa sheegay in aysan jirin dhexdhexaadin socoto iyo kulamo lagu balamay, balse uu jiro wada hadal meel wanaagsan maraya oo u dhaxeeya Madaxda sare ee labada dal.

NAGALA SOO XIRIIR:- WEBMASTER@GEESGUUD.COM AMA FORMKA HOOSE RIIX BUUXI OO TOOS NOOGU SOO DIR