Kenya oo fasaxday duulimaadyadii Somaliya

Kenya oo fasaxday duulimaadyadii Somaliya

Dowladda Kenya ayaa fasaxday duulimaadyadii Magaalooyinka Muqdisho iyo Nairobi, ka dib markii ay joojisay bishii hore ee May.

Qoraal ay Wasaaradda Arrimaha Dibadda Kenya u soo dirtay Wasaaradda Arrimaha Dibadda Somaliya ayaa lagu sheegay inay Kenya dib u fasaxday duulimaadyadii labada dal.

Qoraalka ayaa lagu sheegay in Kenya ay go’aankan gaartay, ka dib markii ay xiriir wada sameeyeen labada dhinac.

Kenya ayaa sheegeysa dib u soo celinta duulimaadyada labada dal in uu wax ka tari doono xiriirka diblomaasiyadeed ee labada dowladood.

Kenya oo fasaxday duulimaadyadii Somaliya

Xukuumadda Nairobi ayaa mid muhiima u aragta in labada dhinac ay haatan ka wada shaqeeyaan dadaalada lagu xakameynayo xanuunka COVID-19, iyadoona dadka ka soo safraya Somaliya laga dalbaday inay horey u soo qaataan warqadda caafimaad, ee ah inay iska baareen COVID-19.

Dalka Kenya ayaa waxaa kordhaya kiisaska maalinlaha ah ee dalkaasi laga diiwaangeliyo, iyadoona dowladdu ka digtay mowjad 4aad oo xanuunkaasi ah.

Nagala soo xiriir dhacdo@gmail.com

NAGALA SOO XIRIIR:- WEBMASTER@GEESGUUD.COM AMA FORMKA HOOSE RIIX BUUXI OO TOOS NOOGU SOO DIR